Nëntë personat e vënë nën akuzë për "Shpërdorim Detyre", "Falsifikim Dokumentesh" dhe "Ndërtim i Paligjshme" në zonën e Ranës së Hedhur në Shëngjin dolën këtë të premte para gjykatës për t’u njohur me masat e sigurisë. Gjyqi u zhvillua me dyer të mbyllura. Pasi dëgjoi palët trupi gjykues vendosi të ndryshojë masën për Pjetër Tuçin nga arrest në burg në arrest shtëpie. Zbutje të masës së sigurisë pati dhe për inxhinierët Luiza Bala dhe Hekuran Xhina për të cilët u vendos adetyrim paraqitje, Kurse për Ndihmës specialistin Martin Ndoka u vendos rikthimi i tij në detyre. Në arrest shtëpia do të qëndrojë ish Drejtori i Agjencisë Shtetërore të Kadastrës Gentjan Malotaj dhe dy ish shefat e legazimeve Artur Shabaku dhe Admir Maxhuni. Ndërsa u la në fuqi masa e ndalimit për të dalë jsahtë shtetit për për dy ish Drejtuesit e Inspektoratit të Mbrojtjes së Territorit në Lezhë Flori Gjini dhe Kol Malaj që akuzohen për shpërdorim detyre. Hetimet e prokurorisë zbuluan se janë kryer ndërtime pa leje dhe në pas janë legalizuar në kundërshtim me ligjin. Deri më tani jane skuestruar katër objekte ndërsa hetimet janë duke vijuar.