Tre persona mes të cilëve vëllai i deputetit Bledion Nallbati janë shoqëruar nga policia pasi dyshohet se janë përfshirë në pengmarrjen e një personi. Sipas të dhënave Alti Nallbati , Marsel Buci dhe Trajan Çeliku janë shoqëruar në komisariatin e Devollit pas një ngjarje që dyshohet se ka ndodhur dy ditë më parë ndërsa aksioni policor u finalizua të premten në mbrëmje. Mësohet nga burime kofidenciale se këta persona kanë marrë peng shtetasin Ilir Topçiu, në fshatin Vishocicë, i cili aktualisht ishte me masë arresti shtëpie. Sipas të dhënave autorët e kanë keqtrajtuar në mjediset e banesës së njërit prej tyre ndërsa policia e Devollit është ende duke kryer kontrolle për mbledhjen e provave. Në muajin maj, Alti Nallbati vëllai i deputetit Bledjon Nallbati u arrestua pasi dhunoi fizikisht një shofer kamioni pas një konflikti që ndodhi tek rrethrotullimi i Bilishtit për shkak të një mosmarrëveshje që lidhej me qarkullimin rrugor. Konflikti u filmua edhe nga kamerat e sigurisë në zonë. Për këtë ngjarje depputeti Nallbati u paraqit në Spak më 27 tetor si person që kishte dijeni. Por edhe Trajan Çeliku nuk është një emër i panjohur për policinë, pasi më 2 tetor të këtij viti u përfshi në një sherr të ndodhur po në Bilisht ku dhe mbeti i plagosur me thikë.