Prokuroria e poscame kundër korrupsionit dhe krimit të organizuar ka kërkuar 19 vite burg për Bledi Tetës, autori I dyshuar për vrasjen e ish efektivit të policisë Santiago Malko, ngjarje kjo e ndodhur në gusht të vitit 2019. Avokati i mbrotjes së Bledi Tetës edhe këtë të hënë nuk u paraqit në seancën gjyqsore, duke bërë kështu që seanca të shtyhet. Teta është I vetmi autori i arrestuar për vrajen e Malkos, ndërsa autoritetet ende nuk kanë mundur të zbardhin ngjarjen e plotë. Bledi Teta akuzohet nga SPAK për vrasje me paramendim kryer në kuadër të grupit kriminal në rolin e ndihmësit. Teta ka orientuar pjesëtarët e tjerë të grupit kriminal për lëvizjet e Malkos para ngjarjes së rëndë. Santiago Malko u ekzekutua mbrëmjen e 27 gushtit të vitit 2019 në zonën e ‘Xhamllikut’ në Tiranë, ndërsa po qarkullonte me mjetine tij tip “BMË X5”. Ish polici u qëllua me të paktën 9 plumba, të armës tip kallashnikov, nga klani “Duka” i përbërë nga Leonard dhe Elis Duka, Oltian Loka, Ilir Selmani,Fatmir Hyseni, Bledar Teta dhe Aleksandër Maxhaku, Dritan Agaj ose “Gabeli”. Malko kishte në pronësi disa pika bastesh sportive. Ai ka qenë i përfshirë në ngjarjen e 4 tetorit 2018, ku dhe ndodhi vrasja e Fabian Gaxhës në ish-Bllok pas një përplasjeje me armë. Gjithashtu ish-polici i vrarë është përfshirë në një sherr me dy vëllezërit Lashi në vitin 2016 për një borxh prej 1 mijë eurosh.