Partia Demorkatike këtë të mërkurë mblodhi Kolegjin e Kryetarëve, ku u diskutua për kalendarin dhe masat për organizimin e partisë në zbatim të vendimit të Kuvendit Kombëtar të datës 18 Dhjetor. Mbledhja u mbajt në orën 16:00, ndërsa burimet bëjnë me dije se kryetarët e degëve të Partisë Demokratike Lefter Geshtenja -Dega 7, Tirane, Agron Kapllanaj - Dega Fier dhe Xhevdet Amulli, Dega Shkoder, i kanë kërkuar kryetarit të Partisë Demokratike Lulzim Basha që të dalë në terren dhe të takojë demokratët. Sipas tyre nuk duhet të rrihet më në zyra, por kryetarët e degëve të Partisë demorkatike dhe vetë kryetari duhet të dalin në terrën për të komunikuar me strukturat. Mësohet se kjo kërkesë nga ana e kryetarëve të degëve është bërë me kryetarin, nënkryetarin, sekretarin, kryesinë dhe deputetët. Sipas tyre është e domosdoshme për situatën në të cilën ndodhet PD, të dilet në terren.