Pas incidenteve dhe përplasjeve të vazhdueshme mbi respektimin e Rregullores nga kreu I Kuvendit Niko Peleshi, përplasje të cilat kanë sjellë ndërprerjen e seancave, mbylljen e debateve dhe në kalimin për votim të pikave të rendit të ditës, Partia Demokratike, ka marrë një tjetër hap. Kreu I grupit parlamentar, Gazment Bardhi, I përjashtuar për 15 ditë nga punimet e Kuvendit, kërkon nga kryeparlamentari Niko Peleshi shmangien e atyre që I quan si provokime ndaj opozitës në Parlament, dhe të zbatojë Rregulloren, duke lejuar deputetët që të bëjnë pyetje ashtu siç parashikohet në rregullore. “Në emër të Grupit Parlamentar të PD, konfirmoimë kërkesën tonë për zhvillimin e debatit dhe gjithashtu kohën e caktuar nga ana juaj- 150 minuta pas cdo raportimi. Lutem gjithashtu tế shmangni do provokim ndaj deputetëve te opozitës, duke lejuar secilin e tyre të prezantojë pyetjet e tij, për secilin titullar institucionesh, sipas nenit 103, pika 7 e Rregullores dhe praktikës parlamentare 34 vjecare. Cdo ndryshim i niëanshëm nga ana juaji të drejtave te deputetëve te pakicës, apo interpretimit 34 vjecar të Rregullores së Kuvendit, është atentat ndaj parlamentarizimit dhe asgjesim i të drejtave të opozitës parlamentare, dhe për pasojë është dhe do të jetë i papranueshëm për deputetët e opozitës.”, thuhet në letrën e Bardhit. Në fund grupi i PD i kërkon Peleshit të marrë masa për normalizimin e jetës parlamentare.