Jo vetëm socialistët, por dhe deputetët e rinj demokrat do të trajnohen. Top Channel ka mësuar se këtë të enjte nisin leksionet dhe për demokratët që janë ulur për herë të parë në Kuvend. Partia Demokratike në bashkëpunim me “Fondacionin Konrad Adenauer”, organizon ditën e enjte ne ora 10:00 programin e Trajnimit për deputetët e rinj të Partisë Demokratike. Mesa duket Sali Berisha nuk do paraqitet para deputetëve si kryetar, por si lektor, ku do mbaje fjalën hapëse. Pas tij, stafetën e merr Thomas Kunze, shef i zyrës së këtij fondacioni në Tiranë dhe kreu i grupit parlamentar Gazmend Bardhi. Mësohet se sesioni i parë nis me komunikimin në Parlament dhe me publikun. Më pas në dorë situatën e marrin deputetët me eksperience, si Jorida Tabaku për Integrimin, Albana Vokshi për Shëndetësinë dhe Luçiano Boçi do iu flasë për Arsimin. Një sesion është parashikuar për të ndarë përvojat politike ndër vite ku folës do jenë Flamur Noka, Oerd Bylykbashi, Agron Gjekmarkaj, Tomor Alizoti dhe Belind Këlliçi. Sesioni mbyllet pasdite me leksionin që Merita Qato, Drejtore e Përgjithshme e Shërbimit Legjislativ në Kuvendin e Shqipërisë do ju mbajë deputetëve, me temë: “Si funksionon procesi ligjvënës në Kuvend: nga nisma te votimi. Sa i përket deputetëve të rinj të dalë nga zgjedhjet e 11 majit, ata janë: Gjin Gjoni Arjan Ndoja Manjola Luku Artan Luku Kliti Hoti Zija Ismaili Eno Bozdo Denisa Vata Bledi Himçi Klodiana Capja Ivi Kaso Fidel Kreka dhe Besart Xhaferri