Bora ka mbuluar londrën këtë të martë ndërkohë që Britania e Madhe është përfshirë nga një valë të ftohti Arktik me temperaturat nën zero, trenat e ndaluar, makinat e bllokuara dhe shkollat e mbyllura. Udhëtarët u përballën me kaos në udhëtime dhe temperatura më e ulët e regjistruar në Britani, në fillim të sezonit, u pa në Aberdeenshire (Aberdinshajër), -11.2C. Zyrtarët lëshuan paralajmërime për borë dhe akull në gjithë pjesën qendrore dhe në anglinë veriore, uells, skoci dhe irlandën e veriut. Edhe agjencia e sigurisë shëndetësore paralajmëroi për mot të ftohtë dhe kushte të rrezikshme për njerëzit e cënueshëm. Moti i keq bëri që të ndaleshin trenat në disa drejtime. Rreth 130 shkolla në Uells u mbyllën, e po ashtu edhe në birmingam, notingam dhe derbishajër. Gati 12 cm borë ra në Ëatnall në Nottinghamshire. Zyrtarët këshilluan drejtuesit e mjeteve të evitonin daljen në rrugë pasi mund të mbeteshin të bllokuar e po ashtu mund të ketë edhe ndërprerje të energjisë elektrike dhe rrezik lëndimi nga rrëshqitja në akull. 'Një zonë me presion të ulët po zhvendoset në drejtim të lindjes. Sistemi frontal i lidhur me të, do të sjellë borë të dendur në disa zona” tha zyra meteorologjike e vendit. Deri në 20 centimetra borë pritet ndërkohë të bjerë në ditët në vijim në disa pjesë të skocisë.