Vladimir Kurti, vrasësi i Agim Bucit rreth 3 vite më parë është dënuar me burg të përjetshëm nga Gjykata e Apelit Tiranë. Kurti akuzohet për veprën penale Vjedhje me pasojë vdekjen e kryer, në bashkëpunim. Rruzhdi Hoxha, bashkëpunëtori i tij, u dënua me 26 vite burg. Ngjarja e rëndë ndodhi në muajin prill të vitit 2018 në Kamëz. Vladimir Kurti dhe Rruzhdi Hoxha në bashkëpunim me njëri tjetrin vendosën të grabisnin marketin e Agim Bucit, I cili ndodhej në Kamëz, aty ku ndodhi ngjarja. Autorët e ngjarjes së rëndë, u futën në dyqan të armatosur, ndërsa u afruan te kasa për të marrë paratë, që ishin bërë gjatë ditës. Agim Buci, ka qenë në dyqanin e tij së bashku me gruan dhe fëmijën e mitur. Bashkëshortja e Bucit, Rita filloi të godiste me produkte ushqimore Vladimirin, ndërsa ky I fundit e plagosi atë me armë zjarri në këmbë. Më pas ndërhyri Agimi, partneri i saj, ku gjatë përleshjes autori I krimit e qëlloi edhe atë me armë, por fatkeqësisht ai nuk i mbiejtoi dot plagëve dhe ndërroi jetë. Pas ngjarjes, të dy të dyshuarit kanë vrapuar të maskuar deri te bulevardi “Berisha”. Para se të dilnin nga aty, kanë hequr maskat dhe kanë vijuar të ecin normalisht. Më pas ata u larguan me automjetin e tyre, shkaun te Lumi i Bovillës dhe nga ura e Zgafnorit kanë hedhur maskat, dorashkat, xhupat dhe pantallonat në lumë.