Bashkëpunëtori i ish-presidentit amerikan Donald Trump, Richard Grenell ndodhet në Tiranë prej ditës së hene ku ka paralajmëruar së do të zhvilloje disa takime në vend. Të parin sa duket e ka zhvilluar me Presidentin e Republikës, Ilir Meta. “Është gjithmonë kënaqësi të kesh Richard Grenell në Shqipëri dhe në zyrën time. Angazhimi i tij në mbështetje të forcimit të mëtejshëm të marrëdhënieve dhe bashkëpunimit ndërmjet Shqipërisë dhe Shteteve të Bashkuara është gjithmonë i vlerësuar...”, shkruan Meta në Tëitter rreth takimit. Pak ditë më parë, përmes një postimi në Tëitter, Grenell foli për çështjen “Berisha” dhe faktin që, sipas tij, Sekretari Amerikan i Shtetit, Antony Blinken po sfidohet nga një Gjykatë Ndërkombëtare, duke iu referuar asaj të Parisit, ku ish-kryeministri Sali Berisha e depozituar padi për shpifje. Ai ka publikuar në Instagram disa fotografi nga kryeqyteti i Shqipërisë, të cilin tha se amerikanët duhet ta vizitojnë. “Amerikanët duhet ta vizitojnë Tiranën. Njerëzit janë të mahnitshëm”, ka shkruar Grenell. Ish-i dërguari special i Shteteve të Bashkuara të Amerikës për dialogun Kosovë-Serbi, ka kritikuar vazhdimdisht administratën e re amerikane se ka lënë prapa “arritjet e ish-presidentit Donald Trump” për Ballkanin. Sipas tij, më askush nga SHBA-ja nuk po u kushton vëmendje shteteve të Ballkanit. Ish-zyrtari ka shtuar se edhe pse tani nuk mban më poste politike “po bën të pamundurën që marrëveshjet e arritura gjatë kohës që ishte në detyrë, të implementohen.