Një infermiere është vënë në pranga nga policia e Tiranës, pasi akuzohet se vidhte kartat e identitetit të pacientëve në spital, për ti përdorur për kredi. Në pranga është vënë edhe një shitese dyqani, e cila bashkëpunonte me infermieren dhe merrte kredi në emër të pacientëve të spitalit ku 39 vjecarja punonte si infermiere. Me paratë e marra, blinte pajisje elektroshtëpiake me qëllim që t’i shiste në dyqan. Policia finalizoi me ukses operacionin policorë të koduar elektro, ku si pasijë bëri arrestimin e dy shtetasve që kryenin këtë veprimtari kriminale. Uniformat blu sekuestrun pajisje të ndryshme elektroshtëpiake, me vlerë rreth 40.000.000 lekë. Burimet policore bënë me dije se një shtetas tjetër ështe proceduar penalisht. Ndërkohë, vijon puna për identifikimin e personave të tjerë të përfshirë në këtë skemë mashtrimi dhe vënien e tyre para drejtësisë. Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore.