Kanë mbetur 7 ditë, para se qytetarët e 6 bashkive të vendit të mbetura pa kryetarë, t’u drejtohen kutive të votimit për të zgjedhur të besuarit e tyre për t’i drejtuar deri në zgjedhjet e vitit 2023. Nga njëra ana kryeministri Edi Rama duket se e ka marrë me shumë qetësi këtë garë, të cilën e ka konsideruar të fituar që para nisjes, kur përballë ka një Parti Demokratike të ndarë në dy kampe. Ai vijon pa ndalesë punën për nismën e Këshillimit Kombëtar, teksa njëherësh prezanton edhe kandidatët për 6 bashkitë. Në anën tjetër, një Parti Demokratike më e përçarë se kurrë, kryedemokrati Lulzim Basha kundër liderit historik.