Ervin Bushati, Drejtori i Postës Shqiptare është shkarkuar nga detyra. Vendimi, sipas burimeve të Top News është marrë pak ditë më parë, edhe pse ende nuk është bërë publik. Burimet pranë kryeministrit Rama thonë se vendimi është marrë nga ministria e financave që ka në varësi postën Shqiptare, por as ky institucion nuk e ka publikuar vendimin e shkarkimit. Shkarkimi i ish deputetit, dyshohet se erdhi si pasojë e disa lëvizjeve në postë, ku thuhet se ai ka larguar nga detyra të paktën 12 drejtorë, me funksione të ndryshme, të cilët kishin një eksperiencë disa vjecare në këtë institucion. Bushati u emërua në krye të Postës Shqiptare në fund të muajit shtator të vitit 2021, pasi nuk mori majftueshëm vota për të marrë mandatin e deputetit, edhe pse ishte i treti në listë. Aventura e Bushatit zgjati shumë pak, ndërsa në vend të tij thuhet se është emëruar Anisa Kaltanji, e cila është në listën e personave të shkarkuar nga Bushati.