Është vetëdorëzuar në komisariatin e policisë numër 2, Arbër Sula autori i vrasjes së Jurgen Dukës me armë zjarri. Gjykata e Tiranës ka caktuar masën e sigurisë arrest me burg për Sulën në muajin dhjetor, kur u regjistrua ngjarja e rëndë. Tragjedia ndodhi më 14 dhjetor të vitit 2021, në rrugën Irfan Tomini në Tiranë, brenda një marketi i cili punonte jashtë orarit policor. Pas një konfikti për motive të dobta mes dy djemve, për radhën në market, Sula qëlloi me armë zjarri drejt Dukës. 29 vjecari u dërgua me urgjencë në spital për të marrë mjekim të menjëhershëm, por ndërroi jetë për shkak të plagëve të rënda të marra në trup. Policia bën me dije se Sula, ish-punonjësi i Policisë ka dorëzuar armën e shërbimit me të cilën kreu krimin, së bashku me municionin luftarak, të cilat u sekuestruan në cilësinë e provës materiale. Këto materiale do ti kalojnë Prokurorisë së Rrethit Gjyqësor Tiranë, për veprime të mëtejshme procedurale.