Gjykata e Tiranës dha masën e sigurimit personal arrest me burg për Franci Alimin, 28 vjeç nga Tirana që akuzohet për vendosjen e një sasie tritoli në një lokal të njohur në Tiranë. Ndërkohë burime bëjnë me dije se ai mohon të ketë vendosur tritolin. Por prokurori Dritan Nushi kërkoi arrest me burg, pasi sipas tij kamerat e sigurisë e ka identifikuar dhe konsiderohen provë e pakundërshtueshme. Gjyqtari Bedri Qori e vlerësoi të ligjshëm arrestimin e tij dhe kërkoi arrest me burg. Franci Alimi, u arrestua më 12 qershor, me precedentë të theksuar kriminal në fushën e narkotikëve, vjedhjes së pronës dhe krimeve ndaj personit dhe i dënuar më parë me 2 vjet burg për veprën penale “Prodhim dhe shitje të narkotikëve” dhe i arrestuar për veprën penale “Vjedhje”.