I pranishëm në Baldushk, ku i dorëzoi shtëpinë e re një familje, banesa e së cilës u prish nga tërmeti, Veliaj pati edhe një apel për qytetarët në ditën e ndërrimit të viteve. Kryebashkiaku kete vit ndryshe, kerkoi solidarizim nga qytetaret, ndërsa shtoi që secili nga ne duhet të ruaj vigjilencën, pasi koronavirusi është ende mes nesh, duke shtuar se nuk është momenti për të festuar në shesh. “Ka qenë një vit i vështirë ky që iku, u rrëzuam nga tërmeti, nga pandemia, por u ngritëm më të fortë. Më vjen mirë që 150 familje në këtë javë të fundit janë futur në shtëpi. Dua t’i ftoj të gjithë qytetarët e Tiranës, nuk ka mbaruar virusi, as pandemia. Ajo që dua të them, sot nuk është momenti për të dalë në shesh. Ne do festojmë gjithë 2021 pas vaksinimit, por ky nuk është momenti për t’i fut një mendje të lehtë, për të ulur vigjilencën, do vijë festa te qytetarët, nuk është nevoja të vijnë qytetarët te festa. E ne fund Veliaj uroi familjen e Bajram Karajt, nga fshati Balshaban në Baldushk, qe do ta festojne natën e ndërrimit të viteve në shtëpinë e tyre te re.