Një gjeneral i lartë rus që dinte sekretet e pallatit miliarda dollarësh që mendohet se i përket Vladimir Putinit, është ndarë nga jeta në burg. Gjenerali Gennady Lopyrev, 69 vjec, është gjenerali i dytë i putinit që vdes brenda 24 orëve. Një seri zyrtarësh të putinit kanë vdekur në rrethana misterioze që kur lufta në ukrainë nisi. Të mërkurën, u bë e ditur se gjeneral koloneli Gennady Zhidko, 58 vjec, ishte gjetur i vdekur nga një sëmundje e panjohur pasi ishte shkarkuar nga komanda e ushtrisë. Lopyrev ndërkohë u sëmur papritur të hënën dhe mjekët thanë se ai kishte një leucemi të padioagnostikuar më herët. Por ka dyshime se ai mund të jetë helmuar pasi kishte fituar mundësinë e një faljeje të dënimit. Gjenerali u burgos për 10 vite në 2017-ën, nga një gjykatë ushtarake, pasi u akuzua për marrje ryshfeti dhe posedim të paligjshëm municionesh, akuza që ai gjithnjë i kishte mohuar. Si pjesë e shërbimit federal të mbrojtjes, ai personalisht kishte mbikqyrur ndërtimin e pallatit Gelendzhik të Putinit, një rezidencë private që aludohet se është ndërtuar me paratë e shtetit. Ai po ashtu ishte përgjegjës për rezidencën zyrtare të Putinit, Bocharov Ruchei, në Sochi. Deri kur u arrestua ai ishte një nga ndihmësit më të ngushtë të putinit, për sigurinë, dhe është parë madje me presidentin rus dhe ish kryeministrin britanik Toni Blair në moskë, në 2002-shin. Dënimi i tij u pa nga shumëkush si një përpjekje për ta nxjerrë atë nga loja. Lopyrev, dukej në shëndet të plotë kur kishte folur me djalin e tij Aleksander, të hënën. Por papritur, ai nisi të ankohej se kishte vështirësi në frymëmarrje. Mediat e pavarura folën për simptoma të ngjashme me ato të kritikut të Putinit, Aleksei Navalni, që u helmua me agjentin nervor Novichok.