Testet klinike në vijim të vaksinës anti covid të Pfizer dhe BioNtech konfirmojnë se mbrojtja e saj zgjat për të paktën gjashtë muaj pas dozës së dytë. Pyetja se sa zgjat mbrojtja nga një vaksinë, mund të marrë përgjigje vetëm pasi të ketë kaluar një periudhë e nevojshme kohe dhe mbrojtja gjashtë mujore është një objektiv modest, por edhe një periudhë më e gjatë nga sa mendohej më parë. Studimi sidoqoftë vazhdon dhe update-ime të ardshme mund të zbulojnë akoma më shumë se sa zgjat dhe sa e fortë është mbrojtja. Vaksina mbetet më shumë se 91 për qind efikase kundër sëmundjeve me simptoma për gjashtë muaj – tha kompania. Dhe duket se është plotësisht efikase kundër variantit shqetësues B1.351 të virusit, që është dominues në afrikën e jugut, për të cilin kërkuesit druanin se ishte evoluar aq sa për ti shpëtuar mbrojtjes së vaksinës. “Vaksina është 100 për qind efikase kundër sëmundjes së rëndë dhe 95.3 për qind efikas kundër covid-it me simptoma. Një ditë më parë, kompania tha se një testim i reduktuar tek vullnetarë të moshave 12 deri në 15 vjec kishte treguar 100 për qind efikasitet në këtë grup moshe. Pamjet: AFP