Komisioneri europian I zgjerimit, Oliver Varhelyi e përshëndeti nisjen e aplikimit për dy vendet e lira të Gjykatës Kushtetuese në Shqipëri. Zyrtari I lartë europian I kërkoi po ashtu autoriteteve shqiptare ta mbështesin menjëherë këtë proces teksa kujtoi se kjo është një kërkesë shumë e rëndësishme nga Këshilli i BE për rrugën europiane të vendit. ”Unë mirëpres hapjen e procedurave të aplikimit për dy vakancat në Gjykatën Kushtetuese shqiptare. Është thelbësore që të gjithë autoritetet shqiptare ta mbështesin këtë proces pa vonesë ”, shkroi ai në Tëitter. Varhelyi shtoi se kjo është kërkesë kryesore e Konkluzioneve të Këshillit të BE përpara Konferencës së Parë Ndërqeveritare, duke theksuar ndërkohë se Bashkimi Europian e mbështët plotësisht Shqipërinë në rrugën e saj të anëtarësimit. Një ditë më parë, presidenti Ilir Meta rishpalli thirrjen për plotësimin e vendeve vakante në këtë Gjykatë. Dekreti I tij lidhej me plotësimin e vendit të mbetur bosh pas përfundimit para kohe të mandatit të Besnik Imerajt. Ndërsa dy ditë më parë, parlamenti përsëriti thirrjen për juristët të aplikojnë për vendin e lënë bosh për shkak të mbarimit para afatit të mandatit të Fatos Lulos, I cili u u shkarkua nga të dy shkallët e Vettingut për mosjustifikim pasurie. Pamejt: AFP