Një debat i thellë është hapur për mënyrën se si përzgjidhen anëtarët e Gjykatës Kushtetuese. Vendi bosh I lënë nga gjyqtarja Holta Zaçaj, të cilës I përfundoi mandati dhe hapja e garës nga ana e Gjykatës së Lartë pritej të ishte një procedurë e thjeshtë por që në fakt, kjo fletë votimi ku përzgjidhet kandidatja Naureda Llagami, që u shpall e pavlefshme, ka ndryshuar fatet e votimit, pasi në vend të saj u zgjodh gjyqtari Asim Vokshi, që kishte marrë vetëm 6 vota, përkundrejt 8 votave që iu quajtën Llagamit nga 9 që ajo siguroi. Kjo pasi fleta e votimit që kishte dy shënime nuk u konsiderua e vlefshme. Dhe praktikisht duke iu referuar ligjit, në rast se gjyqtarët që garojnë nuk siguorjnë numrin e nevojshëm të votave, kalon ai që ka numrin më të madh të pikëve, që në këtë rast ishte Asim Vokshi. Në procesverbalin që disponon Top Channel, vullneti i gjyqtarit që ka votuar për Llagamin është i qartë, por një komision i brendshëm teknik, me në krye sekretaren e Gjykatës së Lartë, ka vendosur që kjo votë të mos konsiderohet e vlefshme, duke I hequr Llagamit të drejtën për t’u shpallur fituese megjithëse kishte arritur shumicën prej 3/5 e votave të 15 anëtarëve të Gjykatës së Lartë. Llagami iu drejtua gjykatës Administrative, por kjo e fundit e ktheu me argumentin se nuk është e juridiksionit të saj. Për këtë problematikë gjyqtarja I është drejtuar Kushtetueses që tashmë po mban pezull emërimin e gjytarit të nëntë në trupën e saj në pritje të një vendimi.