Rojet kufitare ukrainase bëjnë me dije se gjatë operacioneve të fundit monitoruese kanë gjetur një hard disk që përmban të dhëna sekrete të ushtrisë ruse. Përmes një postimi në rrjetet sociale, Shërbimi Kufitar Shtetëror tregon se në këtë hardisk ka mbi 100 Giga bajt të dhëna specifike mbi stafin ushtarak rus, bigrafinë e tyre si dhe të një divizion specifik të artilerisë së mbrojtjes ajrore. Ai u gjet gjatë kontrolleve në një makinë të braktisur në rajonin e Chernihiv. Hard Disku gjithashtu përmban të dhëna për armët dhe pajisjet ushtarake ruse, si dhe dokumente zyrtare, si informacione në lidhje me stërvitjet ushtarake. Megjithatë, autoritetet kanë dyshime se ai mund të jetë një diversion dhe i lënë qëllimisht nga rusët. Sipas raportit, disa nga dokumentet e gjetura në makinë ishin etiketuar si “të klasifikuara”. Ndërkohë në orët e fundit, ushtria ruse ka vijuar bombardimet në qytetet lindore të vendit duke shkaktuar sërish viktima në radhët e civilëve. Pamjet: AFP