Ushtria amerikane ka konfirmuar marrjen e prototipit të parë të tankut të gjeneratës së re M1E3 Abrams, i zhvilluar nga kompania General Dynamics Land Systems (GDLS). Programi M1E3 bazohet në një filozofi tërësisht të re projektimi, me theks te një platformë më e lehtë, më modulare dhe më fleksibile për mjediset bashkëkohore dhe të ardhshme të luftimit. “Shumë mendonin se ky proces do të zgjaste gjashtë apo shtatë vjet, por ne tashmë kemi prototipin e parë dhe synojmë ta përshpejtojmë edhe më tej këtë proces”, u shpreh shefi i Shtabit të Ushtrisë, gjenerali Randy A. George, Tanku i ri është projektuar mbi arkitekturë të hapur dhe strukturë modulare, duke mundësuar integrimin e teknologjive të reja gjatë gjithë jetës së shërbimit. Ndër prioritetet kryesore janë ulja e peshës, menaxhimi i avancuar i energjisë, sistemet aktive të mbrojtjes, dhe kapacitete të avancuara digjitale të komandës dhe kontrollit.