Presidenti amerikan Donald Trump ka paralajmëruar se SHBA-ja mund të shkaktojë dëme të konsiderueshme shtesë në infrastrukturën e Iranit, duke sugjeruar se SHBA-ja mund t'i "eliminojë ata... brenda një ore". Duke folur për humbjet në marinën, forcën ajrore dhe të tjera të Iranit, Trumpi theksoi se “ata thjesht nuk do të jenë kurrë në gjendje ta rindërtojnë atë vend". Trump lavdëroi operacionin në Iran dhe shtoi se sulmet do të vazhdojnë. "Lufta mbaron kur themi ne. Dhe meqë ra fjala, kjo është një luftë për ata, sepse për ne është thjesht një shëtitje, e cila doli të ishte më e lehtë nga sa e mendonim. Irani kishte mijëra raketa, shtatë mijë... tetë mijë. Ne goditëm shumë prej tyre para se të mund të niseshin. Po shkatërrojmë edhe objektet ndërtimit të dronëve". Duke folur për objektivat, SHBA-të goditën 28 anije iraniane në përgjigje të raporteve se Republika Islamike ishte përpjekur të minonte Ngushticën e Hormuzit.