Një nga të përfshirët në grabitjen e Rinasit, si pjesë e grupit të Talo Çelës dhe Nuredin Dumanit, ka lënë ambientet e regjimit të egër 41 BIS. Bëhet fjalë për Klement Çalën, 32-vjecarin nga Elbasani, për të cilin Gjykata Kundër Korrupsionit dhe Krimit të Organizuar vendosi se nuk duhet të qëndrojë më në izolimin ekstrem dhe duhet të kthehet në një burg të sigurisë së lartë. Në mars të vitit 2019 ranë në prangat e policisë Klement Çala bashkë me vëllain e tij Eldi Çala, të cilët akuzohen si anëtarë të bandës që grabitën miliona euro në prill të atij viti.në Aeroportin e Rinasit. Më 9 prill të vitit 2019, një grup personash arritën të hynin në ambientet e aeroportit dhe të merrnin një sasi parash që po transportoheshin me blinda nga bankat e nivelit të dytë dhe që kishin për destinacion disa vende europiane.