10 vende evropiane janë të gatshme të dërgojnë forca në Ukrainë si pjesë e garancive të sigurisë për vendin pas një marrëveshjeje paqeje, sipas raportimeve. Zyrtarët evropianë të martën përpunuan planin për të dërguar një "forcë sigurie" shumëkombëshe për të penguar agresionin e ardhshëm rus dhe tani presin miratimin e Donald Trump, raportoi Bloomberg, duke cituar persona të njohur me çështjen. Faza e parë thuhet se do të përfshijë trupa evropiane, përfshirë qindra ushtarë britanikë dhe francezë, të stacionuara në Ukrainë, larg vijës së frontit, për të ndihmuar ushtrinë e saj me trajnime dhe përforcime. Një fazë e mëvonshme e planit kërkon një mbrojtje nga SHBA për të kontribuar në ndarjen e inteligjencës, mbikëqyrjen e kufijve, furnizimet me armë dhe ndoshta mbrojtjen ajrore. Madhësia e përgjithshme dhe roli që do të luajë forca evropiane është ende e paqartë, megjithatë detajet pritet të përcaktohen në ditët në vijim. Trump të martën përjashtoi mundëisnë e vendosjes së trupave amerikane në terren pasi të nënshkruhet një marrëveshje paqeje, por në vend të kësaj sugjeroi që SHBA-të janë të përgatitura të mbështesin ajrin për të kontrolluar qiellin e Ukrainës.