Shtetet e Bashkuara të Amerikës po arkëtojnë miliarda dollarë çdo javë prej luftës së nisur nga Iranit. Të dhënat nga agjencitë federale tregojnë për një rritje rekord të eksporteve në përgjithësi, ku nafta dhe sidomos gazi kryesojnë listën. Sipas këtyre të dhënave, nga nisja e luftës SHBA arkëton çdo ditë rreth 130 milionë euro të ardhura vetëm nga shitja e gazit, teksa miliona të tjera arkëtohen nga industria ushtarake, që për blerës kryesor ka Izraelin. Të dhënat tregojnë se përgjatë muajit prill, SHBA eksportojnë rreth 5 milionë fuçi nafte në ditë, nga 3.9 milionë që eksportonte mesatarisht në muajin mars. Përfituesja tjetër e madhe e luftës me Iranin është Rusia, që gjithashtu ka raportuar eksporte rekord të naftës dhe gazit, kryesisht drejt Kinës dhe Indisë. Kina, që deri para këtij konflikti ishte konsumatori kryesor i naftës iraniane deri më tani i ka rezistuar krizës, teksa e penalizuara e madhe është Europa.