Uragani Leslie, i cili u formua mbi Atlantik, po lëviz drejt bregut perëndimor të Evropës dhe pritet që në ditët në vijim të godasë më së shumti Portugalinë dhe Spanjën. Stuhia tropikale që po i afrohet kontinentit europian e ka humbur fuqinë por nuk përjashtohet mundësia që të shkaktojë probleme si dhe lë pasoja në Evropë. Kontinenti Evropian goditet rralë nga Urganët, por një gjë e tillë nuk është diçka e paprecedentë. Uragani i fundit ka qenë Lorenzo në vitin 2019. Leslie vjen pas stuhisë Berenice dhe uraganit Kirk, i cili solli erëra, stuhi, breshër dhe shi në pjesë të mëdha të Spanjës. Sipas agjencisë shtetërore meteorologjike të Spanjës Aemet, pjesë të mëdha të Andaluzisë janë tashmë në gatishmëri për shkak të mundësisë për deri në 120 litra shi për metër katror. Një rrezik i ngjashëm ekziston për provincat e Seviljes, Cádiz, Málaga dhe pjesë të Granadës dhe Almerias.