Uragani John, i cili zbriti dy herë në bregun e Paqësorit të Meksikës, ka lënë tani tetë persona të vdekur, të gjithë në shtetin jugor Guerrero, thanë autoritetet të shtunën. John u përplas për herë të parë në breg në fillim të kësaj jave si një stuhi e kategorisë 3, duke u përhapur përgjatë bregdetit për disa ditë dhe duke u intensifikuar përpara se të godiste përsëri tokën, këtë herë si një stuhi tropikale. “Na vjen keq për humbjen e tetë jetëve për shkak të rrëshqitjeve të dheut të shkaktuara nga shirat e dendur”, tha presidenti Andres Manuel Lopez Obrador në rrjetin social X, dikur Tëitter. Mediat lokale dhanë një shifër më të lartë viktimash, por qeveria nuk i konfirmoi zyrtarisht. Shteti Guerrero ishte më i prekuri, veçanërisht Acapulco, i cili u shkatërrua në tetor 2023 nga uragani Otis, i cili mori dhjetëra jetë. Ndërsa reshjet tani kanë pushuar, rrugët e Acapulcos të cilat vijojnë të jentë të përmbytura ndërsa banorët vijojnë të jenë në pritje të ndihmave emergjente.