Pas kongresit të jashtëzakonshëm, kryeministri Edi Rama zhvilloi një mbledhje me dyer të mbyllura me deputetët e grupit parlamentar të Partisë Socialiste, ku u diskutua për marrëveshjen e nënshkruar në Romë me homologen e tij, Giorgia Meloni për ngritjen e kampit të refugjatëve në Shëngjin dhe për ashpërsimin e masave ndëshkimore në rregulloren e Kuvendit. Burime për Top News, konfirmojnë se marrëveshja me Italinë do të miratohet në seancën plenare të datës 14 dhjetor, ndryshe nga sa ishte parashikuar në Kalendarin e Punimeve të Kuvendit, ku kjo marrëveshje ishte pjesë e rendit të ditës së seancës plenare të datës 21 Dhjetor. Kryeministri Edi Rama kërkoi pjesëmarrje të plotë të deputetëve dhe ministrave socialistë në seancë plenare. Kalimi i marrëveshjes në seancë, vjen në një moment kur grupet e Partisë Demokratike kanë depozituar dy padi në Gjykatën Kushtetuese.