Instituti Robert Koch ka njoftuar se procesi i vaksinimit ndaj koronavirusit në Gjermani është ulur ndjeshëm, ndërkohë që variant Delta vijon të perhapet me shpejtësi. ”Gjatë javës, një mesatare prej 710 mijë vaksinash janë administruar çdo ditë në të gjithë vendin, nga 800 mijë e 500 të një jave më parë”, deklaroi Instituti Robert Koch. Varianti Delta mendohet të jetë përgjegjës për 59 përqind të rasteve të reja të infektimeve gjatë javës, me shifrat e dyfishuara nga ato të javës së mëparshme. Nga ana tjetër, varianti Alpha ra nga 91% në fund të majit në 33% në fund të qershorit. Variantet e tjera nuk janë ende të rëndësishme në Gjermani. Christine Falk, presidente e shoqatës gjermane të imunologëve, përballë thirrjeve për lehtësimin e kufizimeve, bëri thirrje për përdorimin e maskave dhe respektimin e rregullave.