Tendenca e rënies së numrit të infektimeve të reja me covid 19 ka vijuar edhe këtë të shtunë. Ministria e Shëndetësisë ka raportuar për 375 raste të reja me koronavirus, si rezultat i 1889 testimeve të kryera ndaj personave të dyshuar. Këto janë ndër shifrat më të ulta të infektimeve përgjatë dy muajve të funditt, kur janë numri i të prekurve me covid 19 ka qenë shumë i lartë. Rastet pozitive të konfirmuara gjatë së shtunës janë të shpërndara sipas qyteteve, ku tirana mbetet në krye te listës me 127 raste, 35 në Fier, 32 në Durrës, 24 në Vlorë, 20 në Kavajë, 19 në Shkodër, 12 në Sarandë, 11 në Berat, 9 në Lushnje, 8 në Mallakastër, nga 7 raste në Kurbin dhe Dibër, si dhe më pak raste ne zona e qytete të tjera të vendit. Numri i përgjithshëm i rasteve pozitive që nga fillimi i pandemisë ka shkuar në 55 755 persona. ndërkaq në spitalet covid janë shënuar edhe 9 viktima të tjera si pasojë e virusit vdekjeprurës; 5 qytetar nga Tirana, 1 qytetar nga Lezha, 1 qytetare nga Përmeti, 1 qytetar nga Berati, 1 qytetar nga Gjirokastra të moshave 38-86 vjeç. Numri i jetëve të humbura që nga marsi kur u shënuan viktimat e para ka shkuar në 1143. Aktualisht në 4 spitalet COVID, po trajtohen 324 pacientë, 33 në terapi intensive nga të cilët 9 pacientë janë të intubuar. Në 24 orët e fundit janë shëruar 391 qytetarë, duke e çuar numrin e të shëruarve 31,181 që nga fillimi i epidemisë, ndërsa raste aktive janë 23 431 persona. Ministria e Shëndetësisë u ka bërë apel qytetarëve të kufizojnë kontaktet dhe të kalojnë festat me familjen e vogël, për të kufizuar përhapjen e COVID-19, si dhe të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për t’u referuar për testim, ndjekje të vazhdueshme dhe për rimbursimin e barnave të trajtimit ambulator në banesë.