Trupat ukrainase kanë tërhequr tanket e betejës Abrams M1A1 të ofruara nga SHBA nga vija e frontit për shkak të rrezikut të lartë të zbulimit nga dronët rusë, thanë dy zyrtarë ushtarakë amerikanë për Associated Press. SHBA njoftoi në janar të vitit të kaluar se do t'i dërgonte Ukrainës 31 tanke M1 Abrams. Në tetor, u konfirmua se të gjitha tanket ishin dorëzuar. Sipas zyrtarëve amerikanë, dronët rusë të vëzhgimit dhe dronët kamikazë kanë ndryshuar ndjeshëm situatën në terren, duke rritur rrezikun e zbulimit të mjeteve. Pesë nga 31 tanket Abrams tashmë janë humbur në fushën e betejës, thanë ata. Përfshirja e dronëve në luftë do të thotë se nuk ka terren të hapur ku mund të kalohet pa frikë nga zbulimi” , u tha gazetarëve të enjten një zyrtar i lartë i mbrojtjes. Zyrtari foli në kushte anonimiteti për të dhënë një përditësim mbi mbështetjen e armëve të SHBA-së për Ukrainën përpara takimit të së premtes të Grupit të Kontaktit të Mbrojtjes së Ukrainës. Për momentin, tanket janë larguar nga vija e frontit dhe SHBA-të do të punojnë me ukrainasit për përcaktuar taktikat, tha zëvendëskryetari i Shtabit të Përbashkët, Admirali Christopher Grady dhe një zyrtar i tretë i mbrojtjes, i cili konfirmoi lëvizjen në kushte anonimiteti. Pasi njoftoi se do t'i siguronte Ukrainës tanket Abrams në janar 2023, SHBA nisi të trajnojnë ukrainasit në bazën e Ushtrisë Grafenëoehr në Gjermani atë pranverë se si t'i mirëmbajnë dhe operojnë ata.Gjatë tërheqjes së fundit nga Avdiivka, një qytet në Ukrainën lindore që ishte fokusi i luftimeve intensive për muaj të tërë, disa tanke abrams, u humbën nga ukrainasit, kanë thënë zyrtarët duke shtuar se që nga pranvera e kaluar, forcat ukrainase kanë përdorur vetëm pak tanke abrams dhe nuk kanë aplikuar taktikat e kombinuara të luftës me armë.