Ukraina është e gatshme që të nisë kundërsulmimin e saj të shumëpritur kundër forcave ruse, ka thënë një nga zyrtarët më të lartë të sigurisë në vend për BBC. Oleksiy Danilov nuk përmendi një datë, por tha se një sulm për të rimarrë territorin nga forcat pushtuese të presidentit Vladimir Putin mund të fillojë "nesër, pasnesër ose pas një jave". Ai paralajmëroi se qeveria e Ukrainës nuk kishte "të drejtë të gabojë" me vendimin, sepse kjo ishte një "mundësi historike" që "nuk mund ta humbasë".