Forcat ukrainase shkatërruan një depo municionesh afër qytetit të pushtuar rus të Henicheskut, në rajonin jugor të Khersonit, tha Serhi Bratchuk, zëdhënës për adminiatratën ushtarake në Odesa. “Forcat tona të armatosura kanë kryer një aksion të suksesshëm këtë mëngjes në fshatin Rykove, në distriktin Henichesk, në territorin e pushtuar përkohësisht të Khersonit”, tha Bratchuk në një mesazh video mëngjesin e të dielës. “Ishte një dpeo municionesh e rëndësishme dhe është shkatërruar plotësisht”. Agjencia e lajmeve Reuters thotë se nuk ka mundur ta konfirmojë informacionin në mënyrë të pavarur dhe nuk ka patur as ndonjë koment të menjëhershëm nga rusia për sulmin e supozuar. Media ukrainase postoi video që tregonin një kolonë të madhe tymi që ngrihej në horizont, shoqëruar nga zhurma shpërthimesh. Rykove ndodhet 20 km larg nga Henichesku, një qytet port përgjatë detit azov në ukrainën jugore, që është pushtuar nga forcat e kremlinit që nga ditët e para të pushtimit rus të ukrainës.