Një vëzhgues i mprehtë i hapësirës ka pikasur të paktën 10 objekte të vogla, të zeza, që qëndrojnë përreth stacionit hapësinor ndërkombëtar. I apasionuar pas teorive konspirative, ai beson se NASA ka fiksuar në imazhe live UFO-t që krijojnë një rreth mbi pjesën jugore të oqeanit atlantik. Fotot janë marrë nga transmetimi live stream i NASA-s nga stacioni hapësinor ndërkombëtar, dhe tregojnë objektet që lëvizin para kamerave. Një gjuetar UFO-sh, ka ndarë imazhin e fiksuar të shtunën e 3 korrikut. Ai postoi zbulimin shokues në Youtube duke thënë: Kjo është një pamje nga stacioni hapësinor ndërkombëtar, mbi atlantikun jugor. 10 objekte të panjohura udhëtojnë me stacionin hapësinor mbi planetin tokë. Imazhet bënë që fansat e UFO-ve të derdhen në transmetimin live stream nga ISS para se të ndanin mendimet e tyre për objektet. “Sapo kontrollova kamerat e stacionit hapësinor ndërkombëtar dhe të gjitha ato pikëza të vogla janë ende atje”, shkruante një prej tyre. E konsideruar si një teori konspirative për dekada, zyrtarët amerikanë të mbrojtjes bashkë me ish presidentët Barak Obama dhe Bill Klinton, kanë pranuar se ka dicka të pazakontë që ndodh në qiejt tanë. Pamjet: AFP