Ajo që u quajt Shtëpia e Mrekullisë, pasi u rrethua nga llava nga shpërthimi i vullkanit Las Palmas pa u dëmtuar, është shkatërruar tani. Një cift pensionistësh danezë, pronarë të shtëpisë, e konfirmuan mes dhimbjes lajmin. Gjithcka është shkatërruar – thanë ata, Ne kemi humbur gjithcka në ishullin tonë të dashur. Është shumë e trishtueshme. Imazhet e shtëpisë bënë xhiron e rrjetit javën e kaluar, pasi qëndronte si një simbol i sfidimit dhe jetëgjatësisë ndërsa qindra shtëpi të tjera dhe hektarë toka bujqësore u zhuritën nga vullkani. Por, me sa duket, llava është ngritur aq lart sa duhet për të gllabëruar edhe shtëpinë e vogël. Lajmi për fatin e shtëpisë vjen ndërsa llava preku detin të mërkurën, me banorët lokalë që u paralajmëruan të qëndronin në shtëpi për shkak të gazrave helmues. Pamje dramatike tregonin lumin e llavës me temperaturë mbi 1000 gradë celcius, që binte nga një shkëmb drejt e në det, në brigjet perëndimore të Las Palmas. Re të mëdha avulli të bardhë shihehsin të ngriheshin në ajër, por reaksioni mes llavës dhe ujit të detit mund të prodhojë edhe acid Hidroklorik, që është toksik.