Kryeministri izraelit, Benjamin Netanyahu paralajmëroi Hamasin se nëse nuk do t’I dorëzojë vullnetarisht armët atëherë do të jetë ushtria izraelite ajo që do ta çarmatosë. Mesazhi paralajmërues erdhi në një kohë kur bisedimet mbi fazën e dytë të marrëveshjes midis dy palëve janë në një pikë kritike, pavarësisht arritjes së paktit prej 20 pikash. Në një intervistë me rrjetin amerikan CBS Neës, Netanyahu deklaroi se i dha “paqes një shans” duke arritur marrëveshjen fillestare të armëpushimit dhe lirimit të pengjeve javën e kaluar, por theksoi se “Hamasi së pari duhet të dorëzojë armët e tij”. “Duhet të sigurohet që të mos ketë fabrika armësh brenda Gazës dhe të mos ketë kontrabandë armësh në Gaza. Ky është demilitarizim”, shtoi Netanyahu. Por pavarësisht mbështetjes së shprehur nga Uashingtoni faza e dytë e propozimit amerikan të paqes mbetet e pasigurt. Kjo pasi çështjet si çarmatosja e Hamas apo tërheqja e forcave izraelite nga Gaza, roli i forcës ndërkombëtare të stabilizimit dhe mundësia e mbështetjes amerikane për një plan rrugor për krijimin e një shteti palestinez po shkaktojnë tensione në negociata.