Një djalë i regjisorit të filmave Rob Reiner dhe Michele Singer Reiner është arrestuar dhe po mbahet në paraburgim nën dyshimin për vrasje pasi çifti u gjet i vdekur në shtëpinë e tyre në Los Angeles. Departamenti i Policisë së Los Angelesit tha se Nick Reiner, 32 vjeç, ishte arrestuar dhe se ishte në paraburgim pa mundësinë e lirimit me kusht. Vajza 28-vjeçare e çiftit të ndjerë, Romy, i gjeti prindërit e saj në shtëpinë e tyre me plagë të shumta me thikë të dielën, thanë burimet për CBS Neës. Rob Reiner është i njohur për regjinë e disa filmave ikonikë në një sërë zhanresh, duke përfshirë Ëhen Harry Met Sally, This is Spinal Tap, Stand By Me, Misery dhe A Feë Good Men. Shërbimet e emergjencës u thirrën për të ofruar ndihmë mjekësore në shtëpinë e Reiner në Brentëood, të kalifornisë rreth orës 15:38 sipas orës lokale, të dielën. Departamenti i Zjarrfikësve të Los Anxhelosit tha se dy persona, të identifikuar më vonë si Rob Reiner, 78 vjeç, dhe gruaja e tij Michele, 68 vjeç, u shpallën të vdekur në vendngjarje. Policia tha se Nick Reiner u arrestua disa orë më vonë. Hetuesit nuk kanë përcaktuar publikisht një motiv dhe thanë se hetimi është në vazhdim.