Ky është momenti kur shtetasi 44-vjeçar Kamer Duhanxhiu, është depotuar nga Shtetet e Bashkuara të Amerikës, me fluturim çarter, në Tiranë. 44-vjeçari ishte në kërkim ndërkombëtar që prej vitit 1999, pasi ishte dënuar nga autoritetet italiane, me 30 vjet burg për veprën penale “Vrasja”, mbetur në tentativë dhe “Vrasja në rrethana cilësuese”, ngjarje të ndodhura në vitin 1999 në Asti, Itali. Si rezultat i bashkëpunimit ndërmjet këtyre agjencive partnere ligjzbatuese në Shqipëri dhe Itali, si dhe të Agjencisë për Doganat dhe Mbrojtjen Kufitare (ICE) në Shtetet e Bashkuara, Kamer Duhanxhiu, i cili fshihej në SHBA prej shumë vitesh, ishte arrestuar më herët, këtë vit, në Florida. 44-vjeçari me të mbërritur në aeroportin “Nënë Tereza”, u arrestua me qëllim ekstradimin drejt Italisë, bazuar në urdhrin e arrestit ndërkombëtar/kartelën e kuqe të Interpolit, të lëshuar nga autoritetet italiane. Ai do të përballet me dënimin e tij 30-vjeçar, në Itali.