Detaje të reja janë zbardhur nga operacioni i zhvilluar pak ditë më parë nga Policia e Shtetit në Shkodër, për kapjen e shtetasit Bajram Bregu, i njohur dhe me emrin Barush, i cili qëlloi me armë zjarri gjatë ndjekjes nga forcat e policisë dhe më pas u arratis. Sipas burimeve policore, Bajram Bregu po udhëtonte në një automjet të drejtuar nga Ervis Baba, 43 vjeç, së bashku me një 17-vjeçar. ‘Forcat Shqiponja’ u kanë bërë me shenjë për të ndaluar, por drejtuesi I mjetit nuk I është bindur urdhrit të policisë. Bajram Bregu ka zbritur nga automjeti në lagjen Kiras, dhe duke përfituar nga rrugicat ka arritur t’I shpëtoi arrestimit. Gjatë ndjekjes nga policia në zonë, Bregu ka qëlluar në drejtim të uniformave blu.