Në muajin dhjetor të shumtë janë shqiptarët që I drejtohen qytetit të Korcës, kjo për shkak të bukurisë që ky qytet ofron gjatë sezonit të dimrit, ku sic dihet mbulohet nga dëbora si dhe për shkak të ambientit festiv që krijohet për festat e fundvitit. Mirëpo, dëshira e madhe e shqiptarëve për tu drejtuar drejt Korcës, është shoqruar disi me problkematika për shkak të vështirësisë në qarkullim, pasi jo të gjithë drejtuesit e mjeteve i kanë marrë masat për të udhëtuar në këto zona, ku janë të domosdoshëm zinxhirët dhe gomat e dëborës. Reshje e shumta të dëborës që kanë nisur prej së premtes, kanë mbuluar gjithë zonën e juglindjes së vendit, duke sjellë jo pak probleme në qarkullimin e mjeteve. Bëhet me dije se rruga hyrëse në Voskopojë është bllokuar për shkak se makinat nuk kanë zinxhirë në gomat e makinës. Mësohet se në Dardhë trashësia e dëborës ka shkuar deri në 35 cm ndërsa kalueshmëria e mjeteve mundësohet vetëm me zinxhirë, sa i përket zonave të tjera si Voskopoja apo Qafa e Qarrit kalueshmëria e mjeteve bëhet pa zinxhirë ndërsa trashësia e dëborës ka shkuar deri në 15 cm.