Trupat franceze kanë qenë të dislokuara në një mision sekret në Ukrainë prej disa muajsh, raportoi të hënën Radio France Internationale (RFI). Media në fjalë nuk saktësoi se sa ushtarë francezë janë përfshirë në këtë dislokim, i cili është aktiv në Ukrainë të paktën që nga vera. Megjithatë, u bë e ditur se trupat ndodhen aty për të trajnuar forcat ukrainase dhe për të ndihmuar në mirëmbajtjen e pajisjeve ushtarake. Rusia deklaroi të martën se ishte në dijeni për trupat franceze të dislokuara në Ukrainë, duke e cilësuar këtë si "pjesëmarrje të drejtpërdrejtë" në luftë dhe duke bërë të ditur se i është përcjellë një mesazh Parisit.