Trupat britanike janë nisur drejt Gjermanisë për të marrë pjesë në stërvitjen e madhe të NATO-s në të cilën simulohet një pushtim rus në luftën e tretë botërore. ‘The Desert Rats’, minjtë e shkretëtirës, që e fituan këtë nofkë duke sfiduar nazistët në afrikën e veriut, po marrin pjesë në stërvitjen masive me 90 mijë trupa të natos. Thuajse 600 mjete të blinduara dhe armë të artilerisë së lehtë u ngarkuan në tragete në portin ushtarak Marchvood afër southampton si pjesë e stërvitjes Seadfast Defender. Stërvitja pesë mujore e natos është më e madhja në evropë që nga fundi i luftës së ftohtë dhe synon përgatitjen e trupave të aleancës për luftë me rusinë. Demonstrimi i forcës pason deklaratat bombastike të donald trump se ai do të inkurajojë moskën të sulmojë aleatët e natos që nuk paguajnë sa duhet për mbrojtjen kolektive. Janë rreth 1500 trupa nga brigada e 7 e mekanizuar, të njohur ndryshe si Desert Rats, që janë nisur në udhëtim drejt polonisë për tu përgatitur për skenarin e një lufte të madhe. Komandantët thonë se stërvitja është konceptuar si simulim i një periudhe tensionesh të larta para shpërthimit të një lufte. Në total 16 mijë trupa britanike do të marrin pjesë në Steadfast Defender, stërvitje ku do të përfshihen edhe avionët luftarakë të forcave ajrore mbretërore dhe luftanijet e nëndetëset e marinës mbretërore.