Kompania e pasurive të paluajtshme e ish-presidentit të SHBA, Donald Trump u shpall fajtore për një skemë kriminale 15-vjeçare që përfshinte falsifikimin e të dhënave dhe mashtrimin e autoriteteve tatimore. Organizata e Trump menaxhon pasuri të paluajtshme në mbarë botën, hotele, fusha golfi dhe akuzat për shkelje të ligjit i ka hedhur poshtë duke pretenduar të kundërtën. Vetë Donald Trump nuk është i akuzuar për një skemë të tillë kriminale por po hetohet nga Departamenti amerikan i Drejtësisë për mënyrën se si i ka trajtuar dokumentet sekrete të qeverisë, pasi u largua nga Shtëpia e Bardhë dhe përpjekjet për të përmbysur rezultatin e zgjedhjeve presidenciale në nëntor të vitit 2020, të cilat i humbi ndaj demokratit Joe Biden.