Donald Trump ka sulmuar presidentin Joe Biden nga konventa kombëtare e shoqatës së armëve, organizatë që vepron në mbështetje të poseduesve të armëve të zjarrit në shba, në Houston, duke njoftuar edhe se do të rikandidojë në zgjedhjet e 2024-ës. Nëse jemi në gjendje të dërgojmë miliarda dollarë në Ukrainë, mund të bëjmë gjithcka është e nevojshme për ti bërë të sigurta shkollat tona – tha ai. “Duam të shpëtojmë jetën e fëmijëve tanë, shkollat nuk duhet të jenë shënjestra më e lehtë për tu goditur” – shtoi ish presidenti duke kërkuar edhe një herë armatosjen e mësuesve. “Kur unë të jem president për të dytën herë, do të angazhohem për zhdukjen e të keqes”, tha Trump, duke njoftuart kështu faktikisht një kandidim të tij në zgjedhjet e 2024-ës edhe pse për këtë duhet që më parë të kalojë garën paraprake të republikanëve. Ish presidenti për thuajse një orë prezantoi programin e tij për sigurinë, duke nënvizuar se nuk do të ketë kurrë më nmungesë financimesh për policinë. “Ekzistenca e të keqes në botën tonë nuk është një motiv për të carmatosur qytetarët që respektojnë ligjin”, ka thënë ish presidenti duke shtuar: Së bashku do të rimarrim kongresin dhe shtëpinë e bardhë.