Presidenti amerikan Donald Trump devijoi një aeroplanmbajtëse drejt Iranit pasi u akuzua se kapërdiu gënjeshtrat e regjimit. Zyrtarët iranianë thuhet se e mashtruan Trumpin duke vonuar ekzekutimet e protestuesve derisa të nisnin një seri të fshehtë vrasjesh. Lindja e Mesme ishte përgatitur për sulme amerikane ndaj regjimit islamist pasi Trump u premtoi protestuesve se "ndihma është rrugës" pas 17 ditësh përleshje të përgjakshme në rrugë. Forcat amerikane u ndalën pasi Ministri i Jashtëm i Iranit, Abbas Araqchi, njoftoi të mërkurën vonë: "Nuk ka asnjë plan për varje, varjet janë jashtë diskutimit", tha ai. Trump ndaloi planet e sulmeve menjëherë pas kësaj, duke zbuluar se kishte marrë garanci se "vrasjet në Iran po ndalen". Por kryekomandanti i paparashikueshëm i Amerikës duket se po ndryshon përsëri kurs, ndërsa një aeroplanmbajtëse amerikane u devijua drejt Lindjes së Mesme. Anija e fuqishme USS Abraham Lincoln po afrohet me shpejtësi në distancën e goditjes për t'u bërë platforma nga ku do të nisin sulmet nëse iranianët vazhdojnë të vrasin protestues. Imazhet satelitore treguan anijen e madhe luftarake që kalonte Filipinet pasi u zhvendos nga Deti i Kinës Jugore. Trump ndaloi lëvizjet ushtarake të pritura gjerësisht kundër Iranit të mërkurën në mbrëmje, ndërsa udhëheqësit dhe komandantët ushtarakë të Teheranit nxituan drejt bunkerëve.