Presidenti i sapozgjedhur i SHBA-së, Donald Trump dhe presidenti rus Vladimir Putin pritet të zhvillojnë një bisedë telefonike në ditët ose javët e ardhshme dje nuk është realiste ideja që ushtarët rusë të dëbohen nga çdo centimetër i territorit ukrainas, tha një këshilltar i lartë i Trump. Ky i fundit, që do të rikthehet si president i SHBA-së më 20 janar, e cilëson veten si një mjeshtër i marrëveshjeve dhe është zotuar të përfundojë me shpejtësi luftën në Ukrainë, por nuk ka përcaktuar se si mund ta arrijë këtë. Kongresmeni amerikan Mike Ëaltz, këshilltari i ardhshëm për sigurinë kombëtare, i tha ABC të dielën se lufta ishte kthyer në një "mulli mishi të njerëzve dhe burimeve" të stilit të Luftës së Parë Botërore me "pasoja të Luftës së Tretë Botërore". "Të gjithë e dinë se kjo duhet të përfundojë diplomatikisht," tha Ëaltz, një besnik i Trump, i cili gjithashtu ka shërbyer në Gardën Kombëtare si kolonel. "Unë thjesht nuk mendoj se është realiste të thuhet se ne do të dëbojmë çdo ushtar rus nga çdo pëllëmbë e tokës ukrainase, madje edhe nga Krimea. Presidenti Trump e ka pranuar këtë realitet dhe mendoj se ka qenë një hap i madh përpara dhe e gjithë bota është duke e pranuar atë realitet, tani le të ecim përpara”. I pyetur konkretisht në lidhje me kontaktet midis Trump dhe Putinit, Ëaltz tha: "Unë pres një telefonatë, të paktën në ditët dhe javët në vijim".