Presidenti amerikan Donald Trump tha se udhëheqësi suprem i Iranit, Ajatollahu Ali Khamenei, duhet të jetë "shumë i shqetësuar", ndërsa Uashingtoni po grumbullon një forcë të madhe ushtarake në rajon. "Do të thoja që ai duhet të jetë shumë i shqetësuar, po, duhet të jetë", tha Trump në një intervistë me transmetuesin amerikan NBC Neës. "Siç e dini, ata po negociojnë me ne". Komentet e Trump erdhën ndërsa një raport nga agjencia e lajmeve Axios tha se bisedimet SHBA-Iran të planifikuara për të premten rrezikonin të dështonin pasi zyrtarët amerikanë refuzuan të zhvendosnin vendndodhjen e bisedimeve ose të ndryshonin formatin. Shtëpia e Bardhë nuk komentoi menjëherë raportin e Axios kur u pyet nga AFP.