Kryeministri britanik Keir Starmer po shqyrton propozimet për të hequr disa tarifa vizash për talentet nga i gjithë globi në një kohë kur SHBA ka marrë një qëndrim më të ashpër ndaj imigracionit, raportoi Financial Times të hënën. "Task forca globale e talenteve" e kryeministrit britanik Keir Starmer po punon mbi një ide për të tërhequr shkencëtarët, akademikët dhe ekspertët dixhitalë më të mirë në botë në Mbretërinë e Bashkuar në një përpjekje për të nxitur rritjen ekonomike, theksonte raporti. Ideja kryesore është ajo e uljes së kostove të vizave në zero për njerëzit që kanë ndjekur pesë universitetet më të mira në botë ose kanë fituar çmime prestigjioze, i tha një zyrtar gazetës. Sipas raportit, reformat po diskutoheshin në britani që para se administrata Trump të njoftonte vendimin e saj për të vendosur një tarifë prej 100,000 dollarësh për vizat e reja H-1B, të cilat përdoren gjerësisht nga kompanitë amerikane të teknologjisë. Megjithatë, vendimi i SHBA-së u ka dhënë "krahë" atyre që kërkojnë ndryshime në sistemin e vizave të nivelit të lartë të Britanisë, duke synuar të nxisin rritjen përpara Buxhetit të 26 nëntorit, tha FT.