Kryeministri hungarez, Viktor Orban, tha se vendi i tij ka përfituar përjashtim nga sanksionet amerikane për sa i takon blerjes së energjisë ruse. Këto deklarata ai i bëri pas bisedimeve që zhvilloi me presidentin amerikan, Donald Trump në shtëpinë e bardhë. “Ne kemi marrë një përjashtim të plotë nga sanksionet për gazsjellësit TurkStream dhe Druzhba", tha Orban në një konferencë për shtyp. Lidhur me këtë deklaratë nuk kanë reaguar ende zyrtarët amerikanë.