Jugu i vendit është tronditur mëngjesin e së marte nga disa lëkundje të forta tërmeti. Sipas të dhënave të marra nga IGJEUM, lëkundjet e tërmetit kanë qenë me magnitudë 4.0 të shkallës Rihter. Mësohet se Epiqendra ishte në detin Jon, rreth 2 km larg Himarës dhe 118 km larg Elbasanit. Lëkundjet u ndjenë rreth orës 08:26 në të gjithë rajonin jugor, ndërsa thellësia ishte 2 km, njoftoi EMSC. Në Gjirokastër, tërmeti u ndje për pak sekonda, por pati fuqi më të lartë se në pjesën tjetër të vendit. Sipas informacioneve të deritanishme, tërmeti nuk ka shkaktuar pasoja. Pas dy tërmeteve të përjetuara në vjeshtën e 2019, ku ai i 26 nëntorit ishte me pasoja katastrofike dhe shkaktoi 51 viktima, çdo lëkundje tërmeti që ka ndodhur më pas ka shkaktuar gjendje paniku tek qytetarët shqiptarë. Kujtojmë se në 29 dhjetor një tërmet i fuqishëm goditi qytetin e Petrinjës në Kroaci, ku u shënuan disa viktima dhe dëme të shumta materiale